06.01.2021 Тыдзень беларускай мовы. Родная мова, цудоўная мова! Ты нашых думак уток і аснова… У. Дубоўка Ва ўстанове дашкольнай адукацыі ў першы тыдзень новага года праходзілі зімовыя канікулы, у час якіх не праводзіцца спецыяльна-арганізаваная дзейнасць з выхаванцамі. Згодна гадавога плану ў дашкольнай установе быў праведзены тыдзень беларускай мовы. Дзецям ранняга і малодшага дашкольнага ўзросту выхавальнікі чыталі творы на беларускай мове, завучвалі вершы, забаўлянкі, гулялі з імі ў беларускія народныя гульні. Планаванне і ўся дзейнасць з выхаванцамі сярэдняга і старэйшага дашкольнага ўзросту цалкам праходзіла на роднай мове. Педагогі вялі размовы з дзецьмі на беларускай мове, чыталі ім вершы, казкі, дзеці спявалі песні, вадзілі карагоды, гралі на музычных інструментах, адгадвалі загадкі, гулялі ў беларускія рухомыя гульні, праводзілі назіранні за з’явамі жывой і нежывой прыроды, праводзілі вопыты і эксперыменты. Таксама у час канікул прайшла выстава малюнкаў “Мой родны кут, мая старонка”, у якой прынялі ўдзел выхаванцы сярэдняй і старэйшай груп, а таксама іх бацькі. Яны малявалі прыгожыя краявіды сваей малой радзімы, роднага горада. “Трэба любіць, ведаць і шанаваць мову свайго народа і ўмець дасканала валодаць ёю” Якуб Колас